Menunu Usin.. BUNGA API

Bila selesai bedok, belatupan tia bunga api kedengaran. Kalau rumah jauh dari Masjid, inda jua apa. Tapi taim orang bang Azan Isya, bah.. belatupan nyaring tia.Like au, boleh main, tapi hormati lah jua. Orang beramai ramai kan sembahyang tarawih. Tapi bila belatupan atu, tekajut jua tu. Au, nya karang orang sembahyang dalam masjid jua, au.. tapi kedengaran jua tu. Betelinga jua dorang atu.

I wish orang orang kitani ani lebih berakal bah. Inda tah payah poliskan memberitau orang ramai lagi. Inda tah payah ada papan tandaJANGAN TAH MAIN BUNGA API TAIM ORANG SEMBAHYANG TARAWIH.. must kah tu?

Alum raya nie kan iski bemain bunga api. Bila hari raya karang main tah berabis. Inda orang melarang.Tapi bisai bisai jua, jangan sampai putus jari atu. Atu kenangan jua tu. Ani masih lagi bulan Ramadan, masih lagi tani berpuasa,so sabar sabar tah. I pun iski jua kan meliat bunga api ani, tapi, ia lah.. biar tah dulu selesaikan Ramadan ani. Biar tia taim malam raya atu, bahberabis tah main. Apa macam?

Sudah tah membeli bunga api ani MENUNU DUIT. Its okay kalau ada extratapi... bukan kah lebih baik menderma dari menunu duit. Au.. tau i you ada lebih, tapi kalau pikir kan banar banar bah, au.. up to you jua. Beli lah. Tapi menderma lagi bagus, amalanpahala dapat di bawa di dunia yang kekal nanti kan.

Inda MENUNU DUIT kan tu? Indirectly bunga api, tapi beli jua kan.So, up to you lah jua. Inda melarang. But entah ah.. kalau logic, menderma tah saja. Kalau ada orang kasih, main tia. Tapi kalau you kan keluar duit, well.. menderma tah baik.

Ramai jua orang mampu menunu duit nya. Taim tight musim ani pun masih jua taisliur kan beli. Kalau kitani biasakan membeli, anak anak akan ikut membeli jua. Sudah nya basar, its a must for them to menunu duitsebab you sudah membiasakan.

So bila raya, its a must lah ada duit untuk tunu duit, kan menyenangkan anaknya. Why not, ikut musim, bilamusim bersuka suka, ada jua sekali sekali orang yang mampu berabis main bunga api yang basar basar bunga nya atu. So lagi siok.

Ani, sudah tah beli pakai duit sendiri, menunu.. em inda siok meliat tu.Yang lain, ya siok meliat... Lawa eh. Tapi yang membeli and menunusendiri, not siok lah.

Siok kan?

Psst... Bunga Api. Au ada cerita jari putus main bunga api. So be very careful lah jua. Liat liat jua tempat main bunga api atu. Jangan SIOK SENDIRI. Jangan sampai TEBAKAR RUMAH ORANG, and jangan sampai PUTUS JARI, and jangan sampai TEBAKAR DIRI SENDIRI.

HATI HATI!!!