Lacup LACUP

Lacup lacup bunyi aing ah. Ikan kali melumpat lumpat. Entah jua.. tapi air tanang jua. Tadi tuhur, ani dalam tia. Capat eh. Mula putus semangat kan mengail besia ah, ani besemangat balik eh. Nya kan bejaga tia besia sampai kul 5. Bah.. nya bapanya.. au eh okay saja. Bah banar tah tu. Pelan udah sebulan bah untuk hari ani, sampai tia jua. Alhamdulillah..

Nah.. bebunyi lagi. Dalam lacupan nya kali ani. Antadi, ci awang dapat ikan buntal. Udang damit umpan nya. Boleh tahan eh. Tapi dalam hati ku, inda dapat di makan tu ikan buntal ah. Dapatkan? Aku pulang betanya biskita nie? Yang biasa ke laut ah atau yang biasa mengail ah, boleh kan di makan ikan buntal?

Eh.. lagi lacup nya. Banar tia. Mengatil ni. Keluar malam saja kali. Sajok aing ani kali. Nya kawan ku menyampok, au.. taim sajok ani kali takut cBoy keluar di Sungai Brunei ani.. lacup lacup eh. Dalam bunyi nya jua.. dapan ku bunyi atu, makin ampir.
Inda jua orang mengunban barang kali. Inda jua ada orang. Haha!! Bah jangan tah kan pikir yang bukan bukan. Mampui saja orang sini ani. Aman eh.. i like!

Baru ku ingat, mula mula nya inlove ku mengail ani. Atu baru jua first taim memasang joran nya ah. Sekali sudah atu, inda tia nya. Tukar pikiran tia nya. Bah.. mana saja. Jangan tukar pikiran saja ngan diri ani, au apa jua.. haha!!!! baibun bah. Serious biskita ani. Jangan tension membaca. Elek.. rilex... tarik napas, hambuskan balik, jangan di tahan tahan, ujung lain cerita...