Minta Duit, Kan Makan..

Duduk tah ku kan mengorder. 4 orang kami ani. Siap mengorder di KJ gadong, sekali ada this guy, muda jua tapi .... Nya kan arah ku, bediri di sebelah meja kami ani, katanya 'minta duit, lapar ku kan makan', aku pun terkejut sekejap lah. Meliat usulnya nya inda jua macam lapar tapi lain macam. I don't like somehow i know that the money kan di minta nya atu bukan untuk makan.

So i said to him - 'bah, kalau kau kan makan, duduk tah di meja satu atu, mengorder tah apa kan kau makan, aku bayar.' He said to me and bepikir lagi tu tesingih singih -'inda, aku mau minta duit saja. Biar tia aku beli makanan sendiri'. Apa lagi aku cakap arah nya, 'kalau kan makan, banar banar kan makan, duduk tah. Aku bayar. Order tah. Makan tah.' Tediam orang orang dangan ku makan ani sebab aku melayan orang kan minta duit tadi ani. Inda jua ia mau, so i said inda payah tah. Bukan kau kan makan. Bukan jua kau lapar. Aku tau kenapa kau minta duit..

Tarus ia jalan. Inda tah tau malu tu. Kan minta duit, pikirnya aku ani bini bini dapat kan di trick nya.. Bagus! Tapi silap. Orang yang tempat nya minta ani boleh menolong kalau banar lapar, tapi kalau sebaliknya SORRY!!!

Inda ku paham, sejak bila ada orang Brunei tani ani teminta minta. Aku inda kira usul, sudah tah menipu, di beritau lagi lapar. Cuba tah kalau kan minta duit, jangan jual perut lapar. Beritau lah untuk kegunaan yang benar, jadi biar orang atu pikir sendiri sama ada kan memberi atau inda. Tapi jangan lah jual PERUT LAPAR.

Ku liat mampu bekerja usulnya, inda pulang di opis, tapi kalau memesin rumput kan, pembersih kah, atau membuang sampah kah, okay jua tu. Anggota badan masih lagi sihat ku lihat, nada yang cacat. Ganya inda handsome. Sudah tah inda handsome, jangan lah buat perangai bodoh macam atu. Buat lebih hodoh tia lagi luar dalam.

I must say, ada saudara ku jua yang bekerja jadi membuang sampah pakai lori sampah ah, inda ku malu memberitahu ia saudara ku. Tapi sekarang, Alhamdulillah, dari kerja atu, tukar kerja lain, dapat rezeki baru, tapi masih kerja di tempat sama. Inda apa apa, biar halal dari titik peluh sendiri daripada mengemis sana sini dan menipu orang untuk kesenangan diri sendiri. Inda pikir jua banar.