Bilangan bangsa jua tinggal di Negara kitani ani. Perasaan ku, ku mengonfomkan kan tah bilangan bangsa yang tinggal di Negara kitani ani, stiap bangsa atu ada my friend. Lagi damit di keliling dengan bilangan bangsa jua kawan kawan mummy and my late father. Bermacam macam PL yang di liat. maklum lah.. damit damit alum paham tu.
Sabut saja, ada kawan ku kenal tu. Inda sorang dua. Kalau sudah sorang dua, keluarga nya .. plus inlaws and community nya .. nah banyak tia. Nice to know them and have that opportunity to have that chance to be their friend and them to allow me to know them and their families.
Pasal stail ani, supaya inda minyinggong lah. Tau jua ku ada yang beradap and ada jua yang biadap. Kasar tu perkataan biadap atu. Inda tau apa kategori nya pulang, tapi bagi pandangan saya biadap namanya. I am sure indung kitani, pebaik tia kau anak Melayu, Kaling, Cina, Murut, Iban, Kedayan dan banyak lagi mengajar anak nya beradab. Penipu tah tu kalau inda mengakun. Inda indung mengajar, barangkali bapa saudara mama saudara maupun nenek datok kitani.
Mungkin remeh pandangan orang mengenai apa kan ku cakapkan ani, tapi bagi ku inda remeh eh. Harus di pikirkan macam mana lagi cara nya untuk memperbaiki? Harus kah di saman? Harus kah di keluarkan? Haruskah di beri ticket? Haruskah... ?
Apa yang kan ku cakapkan ani.. alum jua sampai kecerita nya. Tapi ia tah nie nah.. memang kita di ajar dengan adab untuk saling menghormati. Berbagai cara jua nie menghormati. Kadang dengan kata, kadang dengan perbuatan. Biar tia muka usul macam hantu, tapi mungkin melalui cara pun boleh menyampaikan kehormatan seseorang terhadap orang lain.
Menghormati inda seharusnya untuk orang tua tua, or Kaum Kerabat, tapi jua nie.. orang-orang di sekeliling kitani ah. Alhamdulillah jika menghormati orang tua tua kitani, Kaum Kerabat, tapi jangan luan pangling dengan orang di sekeliling kitani. Sadar jua bah. Membari malu. Kalau diri orang Melayu biadap, muka melayu, anak kelahiran Melayu, tapi biadap arah orang, bida jua tu, kalau orang bangsa lain, eh.. andangnya kah tu stail nya? Memang orang Melayu ani macam ani perangai nya. Wal hal, disebab kan seorang yang biadap, nah.. satu bangsa Melayu eh.
Baru jua terlintas di kepala ku nie taim menaip naip ani. Mula mua i thought andang stail nya kali? Tapi bila taipan ani ranchak, wah.. rupanya tunpah setitk nah habis semua kandong. Sama jua kalau kaling biasa mendrive laju laju dengan lori, nah.. apa kitani dangar nah? Eh andangnya orang kaling ani gila! Pernah ku dangar tu. Kalau kaling drive macam orang gila di buat nya macam di India. Eh.. semua kan? Inda jua semua kali eh.. Di sebabkan satu semua kana.
Okay.. kalau indon. Apa kamu dangar? Okay contoh pembantu lah atau waitress lah ah.. Andang nya bisdia ani kegatalan. Kan ke mari bukan kan bekerja tapi kan merampas laki orang. Semua kan macam atu? Inda kali eh. Ada jua Indon yang maju tanpa merampas suami orang di Negara kitani.
Okay ... kalau siapa saja lah, teludah sana teludah sini, or tehingus sana tehingus sini.. bah apa lagi pandangan bisdiorang? Oh banyak kalau kan bercerita.. Tutong.. Eh orang Tutong? Boh.. ada kan di dangar. Tapi semua kan macam atu? Inda kali eh. Or Orang KB .. eh ya kan? Anu tu anu nie cerita kan di dangar. Sama jua dengan orang Temburong. Ada ada saja. Or orang Bandar.. ani atu anu ini itu. Nah panjang kan. Semua kan macam atu?
Yang kan di ceritakan ani, pasal anak cina dua orang ani meliat wayang. Sudah atu.. Duduk macam di panggong nya sendiri. Au inda ada orang di depan atu, tapi lepas satu movie, i am sure ada orang kan dudok di sana. Bukan tah kitani tapi ada jua orang lain. Okay.. kitani nampak kedua kaki nya naik atas kerusi di depan nya, lampoh jua lagi, kaki nya montel. Inda jua berapa bersih usul kaki nya atu. Kan ku gambar tapi inda sempat. Ada flash sikit di turunkan nya kaki nya. Satu.. tau jua ia salah tu. Malu jua ia kali kalau masok newspaper tu. Anak Cina?? Andangnya kah stail Cina macam atu? Semua kan? I got friend Cina. Beradap jua eh. Trendy and sopan jua. Tapi ia tah, bila orang meliat.. Anak Cina? Baik and bisai kan tu.
Diluar negeri meliat wayang pun macam atu kah? Membari hairan kenapa ada sesetangah memikirkan santai ani macam tempat sendiri dan tidak menghiraukan orang lain? Inda bemoral lagi kah?
Kalau anak Kaling kah, anak Melayu kah, anak Iban kah, anak Murut kah, anak anak lain, inda bida kan usulnya? Macam inda beradap and biadap jua tu. Barang ani bukan kan di liat remeh. Dari sini tah mesti di tagurkan supaya inda ada yang mengikut ikut.
Lepas kali naik, gosok gosok nya kaki nya pakai kaki nya. Beguguran jua kulit mati nya tu atas kerusi. Arah kepala tempat menyandar atu. Okay you tau and meliat ia like that, mau you turun depan nya kan duduk arah lepas kaki nya di sana atu? Inda kah.. So, inda jua bisai kitani kan bersubahat dengan kebiadapan nya atu? Inda cali tu. Membari gali ada. Inda jua kan cinema menyediakan security untuk menagor penononton penonton lagi? Bida tu eh.
Ia tah.. satu couple sebelah ku. Meliat jua karenah nya. Entah ah.. anak Cina jua. Eh andang nya ni perangai bisdia like that. Like that kan? Inda kali eh. Sebab satu dua ani, bangsa lah di sebut. Bukan nama nya, bukan nama bapanya, bukan nama mamanya, tapi bangsa nya.
Biar lah berada sopan bila meliat wayang kah, di mana mana lah di public. Jaga jua nama baik bangsa selain menjaga nama baik keluarga. Termasok lah nama baik Negara tu ah. Walaupun meliat wayang ganya, bah.. dari yang di pandang remeh ani tah yang boleh memudarat kan kelak. Kalau sudah inda camah mata memandang, dan its okay ganya, well... liat what they will do next.
Jangan tah memalukan diri sendiri. Duduk tah di panggong atu dengan sopan. Bukan panggong kitani. Kalau panggong sendiri, mana saja tah. Betelanjang kah, membangkang kah meliat wayang kau punya pasal. Peduli apa ku. Tapi bila untuk public atu, saling menghormati tah. Membari gali. Sebab setitik nah.. semua kana.
Akhir sekali ... mohon maaf dengan cerita ku hari ani mengenai bangsa. Agar sama sama tah menjaga nama baik kaum, bangsa. Bermacam bermacam cara untuk saling menghormati. Gunakan lah cara tersendiri agar kita pun di hormati.
psst .. sorry kawan kawan. Semoga enjoy membaca. Kalau ada kawan yang like that, tagur tagur kan tia. Kalau inda paham jua .. gambar and post it in FB kah or record and masok YOUTube kah.. Malu kah inda tu? Inda jua kali ah. Tapi cuba bapa mamanya, nenek nya duduk sebelah nya atu, gerenti kena tagurkan kali eh. LIke this people yang terbuli, di buli and membuat kelakuan sedemikian jua.
Sekian.
No comments:
Post a Comment